ТОП

16.08.2019
img_7041_25057-min-1280x853.jpg

 

Ресейдің Рязань облысында «Дубровичи» полигонында  АрХО-2019 аясында өткен «Авиадартс» байқауының үшінші кезеңі өз мәресіне жетті. Жарыста Қазақстан, Ресей, Қытай және Беларусь елдерінің үздік ұшақ экипаждары бақ сынасты. Аталмыш байқауда Қазақстандық Су-25 экипажы сәтті өнер көрсетіп, басымдық танытты.

Алғашқы тартысты кезеңде Қазақстандық құрама Ресей және Беларусь командасын артқа тастап, бірден үздік атанды. Бірінші кезеңнің нәтижесі бойынша Су-25 ұшағында өнер көрсеткен Майор Дмитрий Коробкин мен Манас Дәулетбаев «шабуылдаушы авиация» аталымында жүлделі бірінші орынды иеленді. Бұл қазақстандық ұшқыштардың Су-25 ұшағында үш кезеңдегі алғашқы жеңісі болды.

Алайда бұл еліміздің бірінші жеңісі емес. Біздің жұп – майор Ермек Мұқанов пен шабуылдаушы ұшқыш капитан Арман Наурызбаев, капитан Александр Орел және аға лейтенант Нұржан Нұрбаев Су-30СМ ұшағында «жойғыш авиация» номинациясында екінші орынды еншіледі. Үздік өнер көрсеткен Қазақстан командасы тек Ресей құрамасын алға жіберді.

Ал басқарылмайтын авиациялық зымырандар мен ГШ-30 авиациялық зеңбірегінен жауынгерлік ату байқауының үшінші кезеңінде капитан Александр Орел және аға лейтенант Нұржан Наурызбаев жоғары ұпай жинап, үздік нәтижеге қол жеткізді.

Үш кезеңнің қорытындысы бойынша «жауынгерлік тікұшақтар» номинациясы бойынша Ми-35М тікұшағымен майор Ақжан Айтбаев және аға лейтенант Ақтөре Исан, капитан Көбеген Мырзатаев пен лейтенант Тимур Лекеров қола жүлдені еншіледі. Дегенмен Ми-171Ш жауынгерлік-көлік тікұшақ экипажында сайысқа қатысқан капитан Алмаз Тағаев, аға лейтенант Тимур Молдахмет, сонымен қатар капитан Боранбай Абай және лейтенант Арын Сұлтанбек қазылар алқасының ортақ шешімімен Ресейдің ұшқыштар құрамасын баса озып, «жауынгерлік-көлік тікұшағы» аталымында жүлделі орынға ұпай саны жетпеді.

Жалпы командалық есепте қазақстандық ұшқыштар командасы 3 орынға тұрақтаса, Ресей Федерациясының ұшу экипаждары 1 орынды алды. Ал 2 орын Қытай Халық Республикасына бұйырды.

 Қазақстан Республикасы Қорғаныс министрлігі


15.08.2019
img_7040_25049-min.jpg

 

Бүгін, 15 тамызда, Қазақстанның «Отар» 40-ншы әскери базасының полигонында өткен әскери ойындардың салтанатты жабылуы, сондай-ақ жеке және командалық сынақта үш конкурстың жеңімпаздары мен жүлдегерлерін марапаттау рәсімі өтті.

Аталған ойындардың бірі «Сенімді қабылдау» сайысында біздің әскери байланысшылар нағыз жеңімпаз атанды, ал екінші орынды Ресей мен Қытай өзара бөлісті, үшінші орын – Беларусь елінің еншісінде.

Бұдан өзге, сайыста жоғары кәсібилік көрсетіп, жеке аталымдар мен марапаттарға ие болған бірқатар қатысушы атап өтілді. Байланысты қабылдауда және тыңдауда қазақстандық команданың сержанты Нұрбол Алдабергенов үздік радиотелеграфист деп танылды. Біздің команданың тағы бір өкілі кіші сержант Дидар Сейсебаев радиобағдарлау бойынша үздік спринт және үздік маман ретінде аталды. Сайыстың үздік мергені – Беларусь командасының аға лейтенанты Евгений Бриль, радиобағдарлама беру жөніндегі үздік радиотелеграфист – Қытайлық кіші сержант Хуан Шэн.

Ұшқышсыз ұшу құрылғылары есептоптарының арасындағы «Сұңқар салу» сайысында Қазақстан бірінші орын алды. Команда қарсыластарын дайындық жылдамдығы мен ұшқышсыз ұшу құрылғыларының ұшу нәтижелерімен анықтады, бақылау нүктесінің бағытымен ұшып өтуде біздікілер үздік нәтиже көрсетті. Екінші орын Ресей мен Беларусь, үшінші орын – Иранның қанжығасына байланды.

Жеке сынақта ирандық капитан Моххамад Дехган ҰҰҚ үздік операторы атанды, үздік мерген – Беларусь аға  лейтенанты Владислав Ростовский, ал Ресейлік капитан Дмитрий Посевин ҰҰҚ үздік техник деп танылды.

Армия ойындарының ауқымды конкурстарының бірі – «Артиллерия атысының шеберлері» – алтын медаль Қазақстан әскери қызметшілерінің қоржынында, күміс жүлдеге Ресейліктер лайық десе, ал қола жүлде Өзбек ағайындарға бұйырды.

Бұл сайыста Қазақстан командасының бірінші мина атқыштар тобы үздік мина атқыш есептоп атанды, қазылар алқасының шешімі бойынша біздің әскери қызметші – Ғайбутдин Әбдірахманов өзін үздік граната атқыш ретінде көрсетті.  Аға сержант Вячеслав Емельянов (Ресей) үздік мина атқыш командирі, сержант Фарух Одилов (Өзбекстан) үздік механик, ал сержант Хикмет Атакашиев (Әзербайжан) үздік көздеуші атанды.

Қазақстан әскери ойындарды өз жерінде төрт жыл қатарынан өткізуде. Жыл сайын елімізге түрлі елдерден және контигенттерден әскери кәсіпқойлар халықаралық деңгейдегі шеберліктерін көрсетуге келеді.

Қазақстан Республикасы Қорғаныс министрлігі